Аҧсуа
«Амузеиқәа рыҵх” раҧхьаӡа акәны имҩаҧысраны иҟоуп Д.Гәлиа илитеартуратә-мемориалтә музеи аҿы 17.05.2016

«Амузеиқәа рыҵх” раҧхьаӡа акәны имҩаҧысраны иҟоуп Д.Гәлиа илитеартуратә-мемориалтә музеи аҿы

        Аҧсуа литература ашьаҭаркҩы, апатриарх  Иҩны-амузеи ашәқәа аартуп лаҵара 18, ахашаҽны,  асааҭ 10.00 инаркны 24.00 рҟынӡа.  Ахәылбыҽха асааҭ  18.00 инаркны ихацыркхоит  ҷыдала  ари акциа иазку апрограмма.  Д.Гәлиа иҩны-амузеи аҭааҩцәа  ирыдгалахоит  амузеи аҩныҵҟа имҩаҧгахо аеқскурсиақәа,  “Амузеи асасцәа дахьқәа” зыхьӡу ҷыдалатәи ацәыргақәҵа. Азал аҿы имҩаҧгахоит  Акультура аҵараиурҭа астудентцәа рықәгылара, Аҟәатәи алицеи-интернат аҵаҩцәа иаздырхиаз амузыкатә программа, Михаил Алхазов напхгара зиҭо аквартет ақәгылара, Џьамбул Жорданиа  инапхгарала еиҿкаау  агитарарҳәаҩцәа қәыҧшцәа рықәгылара уҳәа  иара убас аинтерес зҵоу аусмҩаҧгатәқәа.  “Амузеи аҵх” азы  рхатәы  жәеинраалақәа ирыҧхьараны иҟоуп апоетцәа ҿарацәа,   иара убас  аҧсуа поетцәа ражәеинраалақәа ирыҧхьоит  Аҧснытәи аҳәынҭқарратә университет афилологиатә факультет  астудентцәа.

    Аҧсуа литература иазҿлымҳау, аҟазара бзиа избо зегьы шәааҳаҧхьоит Д.Гәлиа иҩны-амузеи ашҟа, гәык-ҧсыкала  иаҳҭахуп ҳныҳәа шәҽалашәырхәырц. Бзиала шәаабеит!! 

                   Д.Гәлиа иҩны-амузеи аусзуҩцәа  


Возврат к списку