Аҧсуа
Д.Гәлиа иҩны амузеи аҿы иазгәарҭеит П.К.Услар диижьҭеи 200 шықәса аҵра. 24.10.2016

Д.Гәлиа иҩны амузеи аҿы иазгәарҭеит П.К.Услар диижьҭеи 200 шықәса аҵра.

Жьҭаара 24 рзы Д.Гәлиа иҩны- амузеи аҿы имҩаҧысит П.К.Услар диижьҭеи 200 шықәса аҵра иазкыз “Астол гьежь”. Еицырдыруа аҭоурыхҭҵааҩы, кавказтәи абызшәақәа рыҭҵааҩы, аурыс аинрал, абарон Пиотр Карл-иҧа Услар аҧсуа ҩыратә бызшәа ашьақәыргылара аус аҿы илагала иалацәажәеит “Астол гьежь” иалахәыз аҵарауаа – абызшәадырҩцәа, алитератураҭҵааҩцәа, амузеи аусзуҩцәа. Аҧсуа ҵарауаа ари аиҧылараҿы еизаз азааҭгылеит иара убасгьы аҧсуа бызшәа аҭҵаареи аларҵәареи ирыдҳәало азҵаарақәа жәпакы. Аиҧылара иалахәын Аҧснытәи аҳәынҭқарратә универститет афилологиатә факультет астудентцәа. П.К.Услар диижьҭеи 200 шықәса аҵра инадҳәаланы амузеи аҿы иаартын ацәыргақәҵа.

Возврат к списку